In Memoriam ‘Koro-Asu’

Print PDF

“Bele Tiru Mate Ha’u. Lori Ha’u Nia Ulun. Maibé, Ha’u Nunka Hanoin Atu Rende” – Koro-Asu.

PARESE ema barak, liu-liu jera­saun foun la hatene no mós la koñese Saudozu Ar­mando Nolasco. Naran ida ne’e, la’ós foun ba eis For­sa Libertasaun Nasionál Ti­mor-Leste sira (FALINTIL). Sau­dozu Ar­mando Nolasco, ul­uk envolve iha Frente Ar­mada hodi luta ba Ukun Rasik An. Saudozu ne’ebé koñesidu ho naran rezisténsia ‘Koro-Asu Tapi Ilimaloru’ moris husi família simples ida iha Aldeia Maloru, Suku Lore I, Sub-Dis­tritu Lospalos, Dis­trit­u Lau­tem, loron 8 Marsu 1948.

Tanba defende prinsípiu Uk­un Rasik An, oan mane hu­si, Telu-Coro no Paia-Rai (ma­te­bian) ne’e, hahú halai ba ai-la­ran iha tempu invazaun Indo­nézia hamutuk ho gerr­illeiru sira seluk, inklui ninia alin na’in haat (4) ne’ebé mate iha ai-laran.

Koro-Asu hahú inkilina an iha Forsa Armada, ho idade ma­is ou menus 26 anos. Alein­de sai soldadu iha Forsa Ar­ma­da, oan segundu husi maun alin na’in 6 ne’e, hala’o kna­ar hane­san mós enfer­meiru Forsa Armada nian. Tan­ba, iha tem­pu Portugeza, Koro-Asu ser­bisu ona nu’udar enfermeiru.

Ko­ro-Asu ninia envolvi­men­tu iha tempu rezisténsia, kon­­tra rejime Soehar­to, sura la hotu. Maski, fo-foun sei sai hane­san sol­da­du. Ma­i­bé, ho es­pe­rié­nsia atiradór (pene­m­bak jitu) ne’ebé iha, nia kon­sege haks­umi kargu nu’­udar Koman­dante Seksaun.

La to’o iha ne’e de’it. Ba­in­­­h_i­ra baze de apoiu rahun, asu­­wa’in ne’ebé ho karakter­ís­t­iku to’­os, onestu, orien­ta­dór no nun­ka rende ba kualkér ini­­mi­gu, haksumi fali kargu nu’udar Ko­mandante Pelo­taun no ninia Primeiru Ko­ma­­n­dante Kom­pañia mak Fal­ucai, Segundu Kom­anda­nte Kompañia mak Aluk Deskar.

Hafoin de Falucai mate, Ko­ro-Asu haksumi fali kargu Segundu Kom­andante Kom­pa­ñia Brigada So­ke, to’o nia mate iha loron, 17 Mar­­­su 1988, bai­n­­­­hira akon­tese­ tiru malu ho mil­itár Indo­né­zia iha Estrada fro­nteira entre Su­ku Lore I no Lo­re II. Istória Ko­ro-Asu ne’­ebé koñe­sidu liu, bain­hira ha­la’o asaltu ba Zipur iha Ala­pu­lu, Sub-Distritu Iliomar. Tanba, iha momentu ne’ebá pelo­taun ne’­ebé Koro-Asu li­dera kon­sege koleta kilat hamutuk 36.

Aleinde ne’e, Koro-Asu ho ninia grupu mós, kon­sege asaltu militár Indo­né­zia bat­allaun ida ne’ebé ko­ñ­e­sidu ho na­ran ‘Mangga 700’ iha área Mua­pitine.

“Iha istória luta Timor ni­an, kompañia ne’ebé Ko­ro-Asu lidera konsege ha­dau kilat barak husi militár In­donézia, hafoin distribui fa­li ba Forsa Armada sira seluk, inklui metralladora ida ne’ebé uluk iha Xa­na­na,” dehan Luísa Xi­me­nes, ka­ben husi Koronél F-FDTL Maunana, ne’ebé Militár Indonézia kaer iha tinan 1989.  Koro-Asu ema ida ne­’ebé kumpre tebes orden ko­­man­du. Maibé, bain­hi­ra hetan militár Indoné­zi­a, nia sempre tiru mate, mas­ki la iha orden husi komandu. Luísa hatutan, nia (Ko­ro-Asu, red.) ema ne’ebé brani, iha tátika gerrilla no nu­nka ha­noin atu rende. Ko­ro-Asu iha prinsípiu ida ka­tak nia bele mate, maibé nia nunka hanoin atu ren­de. Durante gerrilla iha ai-la­ran, Koro-Asu organiza mós ninia soldadu hodi ha­la’o opera­saun iha área Bau­­kau, Ma­tebian to’o Vique­que.  “Iha tinan 1987, Ko­m­­an­­­­dan­te Supremu das Fal­in­til, Kay Rala Xanana Gus­mão ho ni­nia pelotaun mu­da ba Pai­ca­u. Iha ne’­ebá, Xanana hateten ba Ko­ro-A­su, bainhira nia ba iha fa­tin ida, Koro-Asu tenke mai vizita nia. Ne’e duni, Ko­ro-Asu mós responde, “Di’ak Komandante,” Luísa konta tuir Bainhira Koro-asu ho ninia soldadu fila-fali ba Matebian, Xanana hakerek surat ida ba nia. Iha surat ne’e hateten, fu­lan Marsu Koro-Asu tenke mai ha­so­ru Xanana para si­mu ins­tru­saun. Koro-Asu ha­teten di’ak, mais nia sei iha planu ida molok ba hasoru Komandante da Luta. “Iha momentu ne’­ebá, Ko­ro-Asu trasa hela pla­nu atu ba halo embos­ka­da iha Ililapa, Suku Loro II. Iha em­boskada ne’e, sira kon­se­ge hadau kilat rua (2), SKS no SP husi militár In­do­nézia,” Lúsia Ximenes hatutan. Kilat ne’ebé sira ha­dau husi inimigu Indo­né­zia, tuir planu atu ent­re­ga ba Ko­mandante Xanana nu’udar prémiu ida, maibé iha akontesimentu ne’e Koro-Asu mós mate. Tan ne­’e, Koro-Asu la konsege has­oru Xanana.

Rona tiha Koro-Asu mate, Xanana sente triste. Mai­bé, Xanana hateten la bu­at ida. “Se nia mate ona, ita tenke halo oinsá para ni­nia oan mane bele moris to’o iha vila. Atu nune’e, ab­an bain rua bele temi netik ninia (Koro-Asu) nia naran.” “Iha fulan Abríl 1987 nia laran, Koro-Asu ninia sol­dadu lori duni Koro-Asu nia oan, Hilarião Nola­sco ba ami.  Bainhira La­ba­rik ne’e to’o iha ne’­ebá, Koman­da­n­te Xanana hasai labarik ne’­e ninia foto­grafia, de­poi­s­ haruka pe­lo­­ta­un ida hu­si ko­ma­nd­an­te David Ale­x nian, ne’ebé ko­manda husi kom­andante Trikix ba entrega iha Padre Lokateli, iha Ven­ilale, tin­an 1988 fulan Setembru,” Luí­sa konta tuir. (*)